ප්‍රාදේශීය ලේකම් කාර්යාලය - නිකවැරටිය

2023 නව  වසරේ සමාරම්භක සනිටුහන නිකවැරටිය ප්‍රාදේශීය ලේකම් රේණුකා පී.විජේරූප මහත්මියගේ ප්‍රධානත්වයෙන් හා සහකාර ප්‍රාදේශීය ලේකම් ප්‍රියන්ත ශ්‍රී වික්‍රමසිංහ මහතාගේ හා අනෙකුත් මාණ්ඩලික නිළධාරින්ගේ හා සමස්ත කාර්යය මණ්ඩලයේ සහභාගීත්වයෙන් උත්කර්ෂවත් අයුරින් සමරන ලදි.

සංස්කෘතික කටයුතු දෙපාර්තමේන්තුව සහ නිකවැරටිය ප්‍රාදේශීය ලේකම් කාර්යාලය එක්ව සංවිධාන කල ප්‍රාදේශීය සාහිත්‍ය කලා මහෝත්සවය නිකවැරටිය ප්‍රාදේශීය ලේකම් රේණුකා පි.විජේරුප මහත්මියගේ ප්‍රධානත්වයෙන් මෙම කාර්‍යාලයේ දී පැවැත්විණි.

ඒ නිකවැරටිය ප්‍රාදේශීය ලේකම් කොට්ඨාසයේ පාසල් සිසුන්ගේ, කලාකරුවන්ගේ සහභාගීත්වයෙනි.

එහිදි ප්‍රාදේශීය සාහිත්‍ය  තරඟ වලින් ජයග්‍රහණය කල පාසල් සිසුන් හා  කලාකරුවන් වෙත ත්‍යාග හා සහතික පත්‍ර ප්‍රදානය කරන ලදි.

‘’උරුමය රකිමු “ මැයෙන් වු ප්‍රධාන සාහිත්‍ය දේශනය නුර්ති,නාඩගම්,කෝලම්,ශාන්තිකර්ම සහ සරල ගි ආශ්‍රයෙන් විශේෂාංග සහිතව වර්තමාන සිංහබාහු නාට්‍යයේ සිංහයාගේ චරිතයට පණ පොවන කලාශිල්පී ජගත් කුමාර ජයසිංහ මහතා ප්‍රමුඛ කලා ශිල්පින් විසින් පවත්වනු ලැබිණි.

නිකවැරටිය ප්‍රාදේශීය ලේකම් කාර්‍යාලය සහ කුඩා ව්‍යාපාර සංවර්ධන අංශය එක්ව සංවිධාන කළ SED අලෙවි පියස ප්‍රාදේශීය ලේකමි කාර්යාල භුමියේදී පැවැත්විණි. නිකවැරටිය ප්‍රාදේශීය ලේකම් රේණුකා පී. විජේරූප මහත්මියගේ උපදෙස් පරිදි මෙම වැඩසටහන සංවිධාන කරනු ලැබූ අතර කොටිඨාසයේ කුඩා පරිමාණයේ  ව්‍යාපාරිකයින් 15 දෙනෙකුගේ භාණ්ඩ නිෂ්පාදන අලෙවි කර ගැනීම සඳහා මෙහිදී අවස්ථාව ලබා දෙනු ලැබිණි

.

නිකවැරටිය මූලික රෝහලේ ඖෂධ සහ ශල්‍ය උපකරණ හිඟයට විසඳුම් සෙවීමේ අරමුණින් සංවිධාන කළ විශේෂ සාකච්ඡාවක් නිකවැරටිය ප්‍රාදේශීය ලේකම් කාර්‍යාලයීය ශ්‍රවණාගාරයේ දී අද පැවැත්විණි. නිකවැරටිය ප්‍රාදේශීය ලේකම් රේණුකා පී.විජේරූප මහත්මියගේ ප්‍රධානත්වයෙන්, නිකවැරටිය මූලික රෝහලේ වෛද්‍ය අධිකාරි පමිල් මහතාගේ සහභාගීත්වයෙන් පැවති මෙම සාකච්ඡාව සංවිධාන කෙරුණේ හිටපු ප්‍රාදේශීය ලේකම් සහ වත්මන් අතිරේක දිස්ත්‍රික් ලේකම් රුවන් ජයසුන්දර මහතාගේ උපදෙස් අනුවයි.

මෙම සාකච්ඡාවට නිකවැරටිය ප්‍රාදේශීය ලේකම් බල ප්‍රදේශයේ ස්වේච්ඡා සමිති හා සංවිධාන නියෝජිත මහත්ම මහත්මීන් සම්බන්ධ කරවා ගත් අතර හැකි උපරිම දායකත්වය ලබා දීමට එම නියෝජිත මහත්ම මහත්මීන් එකඟ විණි.

මේ වනවිට නිකවැරටිය මූලික රෝහලේ අත්‍යවශ්‍ය ඖෂධ රැසක හිඟයක් පවතින අතර රෝගී ජීවිත දැඩි අවධානමක පවතින බැවින් පරිත්‍යාගශීලීන්ගේ උපකාර තවදුරටත් අපේක්ෂා කරන බව ප්‍රාදේශීය ලේකම්තුමිය මෙහිදී සඳහන් කරනු ලැබීය.