ප්‍රාදේශීය ලේකම් කාර්යාලය - නිකවැරටිය

නිකවැරටිය ප්‍රාදේශීය ලේකම් කාර්යාලයීය  ශ්‍රවණාගාරයේදී පුරා දින 19 ක් කාලයක් තුල පවත්වන ලද රාජ්‍ය නිලධාරීන් සඳහා වන භාෂා පුහුණු පාඨමාලාවේ අවසන් ප්‍රසංගය සහ සහතික පත්‍ර ප්‍රදානය 2022.01.13 දින පැවැත්විණි.

නිකවැරටිය ප්‍රාදේශීය ලේකම් ජේ.එම්.අයි.ආර්.කේ.ජයසුන්දර මහතාගේ පූර්ණ මගපෙන්වීම හා උපදෙස් මත සහකාර ප්‍රාදේශීය ලේකම් ප්‍රියන්ත ශ්‍රී වික්‍රමසිංහ මහතාගේ පූර්ණ අධීක්ෂණය යටතේ පැවැති මෙම පාඨමාලාව සංවිධාන කරනු ලැබුවේ ජාතික ඒකාබද්ධතා සම්බන්ධීකාරක ආලෝක බණ්ඩාර මහතා විසිනි.

පැය 150 දෙමළ භාෂා පාඨමාලාවේ අවසන් දින ප්‍රසංගය සහ සහතික පත් ප්‍රදානය කිරීමේ උත්සවය අද දින ප්‍රාදේශීය ලේකම් ජේ.එම්.අයි.ආර්.කේ.ජයසුන්දර මහතා,සහකාර ප්‍රාදේශීය ලේකම් ප්‍රියන්ත ශ්‍රී වික්‍රමසිංහ මහතා,රාජ්‍ය භාෂා දෙපාර්තමේන්තුවේ භාෂා විද්‍යාගාර අධිකාරී ඒ.එල්.නලන්ත මහතා, පළාත් සම්බන්ධීකාරක මාධවී ගුණරත්න මහත්මිය, දිස්ත්‍රික් සම්බන්ධීකාරක එන්.එස්.මල්ලවාරච්චි මහත්මිය, දිස්ත්‍රික් ලේකම් කාර්යාලයේ ජාතික ඒකාබද්ධතා ප්‍රවර්ධන සහකාර සමන්ති දසනායක මහත්මියගේ සහභාගීත්වයෙන් යුතුව පැවැත්විණි.

සහෝදර ආයතන වල නිලධාරීන් ද සමග රාජ්‍ය නිලධාරීන් 94 දෙනෙකු මෙම පාඨමාලාව සාර්ථකව නිම කරන ලදී.

නිකවැරටිය ප්‍රාදේශීය ලේකම් කොට්ඨාසයේ වැඩිහිටි ප්‍රජාව සෞඛ්‍ය සම්පන්නව ශක්තිමත් කිරීම අරමුණු කර ගනිමින් විශේෂ අක්ෂි සායන වැඩසටහනක් අද (2022.01.05)ආරම්භ විය.

මෙම වැඩසටහන සංවිධාන කළේ නිකවැරටිය රෝහල් කමිටුවයි.රෝහල් කමිටුවේ සභාපති ලෙස නිකවැරටිය ප්‍රාදේශීය ලේකම් ජේ.එම්.අයි.ආර්.කේ.ජයසුන්දර මහතාගේ මගපෙන්වීම් සහ උපදෙස් පරිදි සහකාර ප්‍රාදේශීය ලේකම් ප්‍රියන්ත ශ්‍රී වික්‍රමසිංහ මහතාගේ සහ රෝහල් කමිටු සාමාජිකයින්ගේ සහභාගීත්වයෙන් මෙම වැඩසටහන පැවැත්විණි.

කිරිඳිගල්ල , වාසිවැව,සියඹලෑව, දිවුල්ලෑගොඩ,දිවුල්ලෑව,රන්දෙනිගම සහ හල්මිල්ලෑව යන වසම්වල වැඩිහිටියන් 150 දෙනෙකු අද දිනයේදී වෛද්‍ය පරීක්ෂණවලට ලක් කෙරිණි.

සියඹලෑව ශ්‍රී ජයවර්ධනාරාම විහාරස්ථානයේදී පවත්වනු ලැබූ මෙම වැඩසටහන සාර්ථක කර ගැනීම සඳහා රෝහලේ අක්ෂි වෛද්‍ය ඒකකයේ සහ වසම්භාර නිලධාරීන්ගේ විශේෂ සහයෝගයක් හිමිවිය.

කුරුණෑගල දිස්ත්‍රික්කයේ නිකවැරටිය,කොබෙයිගනේ,කොටවෙහෙර හා රස්නායකපුර ප්‍රාදේශීය ලේකම් කොට්ඨාස වලින් පුහුණු අභ්‍යාසලාභී පත්වීම්  ලබා සිටි නිලධාරීන් හට ස්වදේශ කටයුතු රාජ්‍ය අමාත්‍යාංශය යටතේ සහ වයඹ පළාත් සභාව යටතේ සංවර්ධන නිලධාරී පත්වීම් ප්‍රදානය 2022.01.10 දින සිදුකිරීම. ප්‍රදේශයේ දේශපාලන අධිකාරියේ සහ අදාළ ප්‍රාදේශීය ලේකම්වරුන්ගේ සහභාගීත්වයෙන් නිකවැරටිය ප්‍රාදේශීය සභා පොදු පහසුකම් ගොඩනැගිලි උත්සව ශාලාවේදී අද පැවැත්විණි.

2022 වසරේ රාජකාරි ආරම්භය - ප්‍රාදේශීය ලේකම් කාර්යාලය, නිකවැරටිය